Umunyamabanga Uhoraho muri MINICOM yasuye Icyanya cy’Inganda cya Musanze

Kuri uyu wa 29 Nyakanga 2026, Umunyamabanga Uhoraho muri Minisiteri y’Ubucuruzi n’Inganda, Madamu Chantal Tuyishimire, yagiriye uruzinduko mu Karere ka Musanze, asura inganda zikorera mu Cyanya cy’Inganda cya Musanze, giherereye mu Murenge wa Kimonyi.

Muri uru ruzinduko, Umunyamabanga Uhoraho yakiriwe na Visi Meya ushinzwe Iterambere ry’Ubukungu, Madamu Uwanyirigira Clarisse, yakiriwe na Visi Meya Ushinzwe Ubukungu Madamu Uwanyirigira Clarisse.

Madamu Chantal Tuyishimire yasuye ibikorwa bitandukanye by’inganda zikorera muri iki cyanya, asobanurirwa imikorere yazo n’ibikorwa bitandukanye bikorerwamo. Yanagiranye ibiganiro n’abayobozi b’izi nganda, bigamije kurebera hamwe uko zikora, ibikorwaremezo bikenewe kugira ngo zirusheho gukora neza ndetse n’imbogamizi zibangamira imikorere yazo. Muri ibi biganiro, hanaganiriwe ku ruhare rw’inganda mu guteza imbere ubukungu bw’Akarere, guteza imbere ishoramari, guhanga imirimo no kuzamura imibereho y’abaturage.

Uru ruzinduko rwabaye umwanya wo kumenya neza ibikenewe kugira ngo inganda zikorera mu Cyanya cy’Inganda cya Musanze zirushaho kongera umusaruro no gukora mu buryo burambye, ndetse no kurebera hamwe ingamba zafasha gukemura imbogamizi zihari.

Ubuyobozi bw’Akarere ka Musanze bwagaragaje ko gukomeza guteza imbere inganda n’ishoramari ari ingenzi mu kwihutisha iterambere ry’ubukungu no guhanga imirimo ku baturage, mu gihe ubufatanye hagati y’inzego za Leta n’abikorera bukomeje gushimangirwa.