Ku gicamunsi cyo kuri uyu wa KABIRI tariki ya 3O Ugushyingo 2021, mu Karere ka Musanze hatangirijwe Ubukangurambaga bw'Iminsi  16 Yahariwe Kurwanya Ihohoterwa Rishingiye ku Gitsina. Iki gikorwa cyabereye mu Murenge wa Kinigi, mu Kagari ka Kampanga, Umudugudu wa Muhe, kikaba cyari cyahujwe  n'Icyumweru cyo Kurwanya Ruswa n'Akarengane ndetse n'Icyumweru Cyahariwe Ibikorwa by'Ubwitange n'Ubukorerabushake nabyo byatangijwe uyu munsi.

Byabimburiwe n'Urugendo rwo Kwamagana Ihohoterwa Rishingiye ku Gitsina, ku Nsanganyamatsiko igira, iti: "WICECEKA, RWANYA IHOHOTERWA RISHINGIYE KU GITSINA"

Ubu bukangurambaga bwari bwitabiriwe n'Umuyobozi w'Akarere ka  Musanze, Bwana RAMULI Janvier,wari Umushyitsi Mukuru, Perezida w'Inama Njyanama y'Akarere ka Musanze, Bwana NDAYAMBAJE  Michel, Umuyobozi w'Akarere ka Musanze Wungirije Ushinzwe Imibereho Myiza y'Abaturage,  Umuyobozi wa RIB mu Karere, Ukuriye Ingabo mu Mirenge ya Kinigi, Musanze na Nyange, Umuhuzabikorwa w'Inama y'IIgihugu y'Abagore mu Karere, Abanyamabanga Nshingwabikorwa b'Imirenge yavuzwe haruguru n'Abaperezida Njyanama muri iyo Mirenge, Ababatanyabikorwa batandukanye, bamwe mu Bakozi bakorera ku Karere n'abandi Bashyitsi batandukanye.

Ibi bikorwa byari bytitabiriwe ku buryo bushimishije

Umuyobozi w'Akarere ka Musanze atanga impanuro