Uyu munsi, Minisitiri w'Ibikorwa by'Ubutabazi Maj. Gen. (Rtd) Albert Murasira yagiranye ibiganiro na Komite y'Imicungire y'Ibiza mu Karere ka Musanze (DIDIMAC). Ibiganiro byibanze ku gushyira imbaraga mu micungire y'ibiza, gukumira no guhangana n'ingaruka zabyo no gufata ingamba zihamye zo kwitegura imvura y’Itumba. 

Minisitiri yagaragarijwe ishusho rusanjye y’ibiza byibasira Akarere, n’ibyakozwe mu rwego rwo gukumira no hugangana n’ingaruka z’ibiza. Minisitiri Maj. Gen. (Rtd) Albert Murasira yatanze inama zo gukomeza gukurikirana, kwihutisha no kunoza gahunda yo kubakira abahuye n'ibiza binyuze mu mushinga CERC.

Nyuma yo kuganira n’abagize DIDIMAC, hasuwe ahari kubakwa amazu 115, azatuzwamo abasenyewe n'ibiza, mu kagari ka Kabazungu mu murenge wa Musanze, areba aho imirimo igeze, atanga n'inama z'ibyakorwa ngo imirimo irusheho kwihuta.