Kuri uyu munsi tariki 2 Gashyantare 2023, umuyobozi w'Akarere wungirije ushinzwe iterambere ry'ubukungu( VM ED) Bwana RUCYAHANA MPUHWE Andrew yagiranye  inama n'abakozi b'umurenge wa Muko  ku biro by'umurenge mu rwego rwo gukurikirana ishyirwamubikorwa ry'imihigo, imishinga n'ibindi bikorwa bigamije iterambere ry'ubukungu mu karere ka Musanze.

Iyi nama yitabiriwe na Perezida wa Njyanama y'Akarere Bwana NDAYAMBAJE Michel, Director of Planning mu karere Bwana François KAZIMBAYA, umukozi w'Akarere ushinzwe investment Bwana MUSABYIMANA NDINDA Samuel, ES w'umurenge wa Muko Bwana TWAGIRIMANA Edouard,umukozi ukuriye PSF mu murenge wa Muko ndetse n’abandi bakozi  bakorera mu murenge wa muko;abayobozi b'utugali twose, SEDOs, abahagarariye inzego z'umutekano, abayobozi b'imidugudu, abafatanyabikorwa, ba rwiyemezamirimo ,abajyanama mu buhinzi ndetse n’abahagarariye amadini.

Iyi nama yateguwe n’Akarere ka Musanze mu rwego rwo kwihutisha iterambere ndetse no kuzamura imibereho myiza y’abaturage  binyuze mu  mishinga  gafite n’ibikorwa bikubiye muri DDS (2018-2024). Mu rwego rwo gushyira mu bikorwa iyi DDS,buri mwaka akarere kagira  gahunda y’ibikorwa y’umwaka (Annual Single Action Plan) . Niyo mpamvu no muri uyu mwaka wa 2022/2023 hari ibikorwa kiyemeje gukora by’umuwihariko mu rwego rwo  kuzamura ubukungu.

Kimwe n’utundi turere tugize igihugu cy’uRwanda ,Akarere ka Musanze nako gafite imihigo  igamije kugaragaza uruhare rw’Akarere mu guteza imbere ubukungu bw’igihugu ndetse n’imibereho myiza y’abaturage. Kugirango ibi byose bigerweho Akarere ka Musanze gafite gahunda n’uburyo bw’ikurikiranabikorwa rihoraho hagamijwe kurebako imishinga n’ibikorwa   birimo gukorwa nk’uko byateganijwe kandiko intego akarere kihaye zigenda zigerwaho. Ni muri urwo rwego Inkingi y’ubukungu (Economic Cluster) bapanze gahunda yo gusura Imirenge yose igize Akarere ka Musanze hagamijwe gukurikirana ishyirwa mu bikorwa ry’imihigo n’ibikorwa bigamije guteza imbere  ubukungu. Iyo gahunda yo gusura imirenge yatangiriye mu murenge wa Muko ikaba izanakomereza no muyindi mirenge yose igize Akarere ka Musanze.

Mu butumwa yagejeje ku bitabiriye, umuyobozi wungirije w‘Akarere ka Musanze ushinzwe iterambere ry’ubukungu yongeye gushishikariza abaturage gushyira imbaraga mu kurinda no gusigasira ibyagezweho mu iterambere, kugira intego ndetse  no kwesa imihigo nk’uko yahizwe. Yongeye kubasaba gukurikirana uburere bw’abana babarinda kuva mu mashuli, kugira isuku  mu rwego  rwo guharanira iterambere ry’umuryango muri byose. Yasoje ashimira umurenge wa Muko wateguye neza inama ndetse anababwirako mu gihe kitarenze amezi 3 azagaruka kubasura kugirango arebe aho bageze bashyira mu bikorwa ibyemezo byafatiwe muri iyo nama.

Boniface MURWANASHYAKA , PRMCO