Mu rwego rwo kurushaho guhamagarira abatuye, abakorera n’abahagenda, mu Karere ka Musanze hashyizweho gahunda zitandukanye by’umwiharimo iyiswe “Igitondo cy’Isuku”, iba buri wa Gatatu mu Mirenge yose igize aka Karere.

Ni muri urwo rwego muri uru rugamba, kuri uyu wa Gatatu tariki ya 20 Mata 2022, Umurenge wa Muhoza watangije Ubukangurambaga Bwimbitse buzamara Ukwezi kose, mu rwego rwo kongera imbaraga muri iyi gahunda, bwatangirijwe ku mugaragaro ku Isoko ry’Ibviribwa rya Musanze rizwi nko muri Kariyeri.

Muri uyu muganda, ari kumwe n’Inzego z’Umutekano, Umuyobozi w’Akarere, Bwana RAMULI Janvier akaba yari yagiye kwifatanya n’Ubuyobozi bw’uyu Murenge n’abaturage, by’umwihariko abakorera muri iri Soko.Ku ruhande rw’Ubuyobozi bw’Umurenge hari Umunyamabanga Nshingwabikorwa ubwe, Bwana MANZI Jean Pierre, wari kumwe n’itsinda rya bamwe mu Bakozi b’Umurenge n’Akagari ka Mpenge kabareyemo iki gikorwa.

Cyari igikorwa gishimishije cyagaragariraga buri wese, abari bitabiriye ndetse n'abari mu zindi gahunda zitandukanye.

Isuku ni isoko y'ubuzima!