Ku wa 11 UKWAKIRA 2024, Umuyobozi w’Akarere ka Musanze Bwana NSENGIMANA Claudien ari kumwe n’Umuyobozi w’Akarere wungirije Ushinzwe Iterambere ry’Ubukungu Madame UWANYIRIGIRA Clarisse bitabiriye Ibirori by’Umunsi Mukuru Mpuzamahanga w’Amakoperative wabaye ku nshuro ya 19 wabereye mu Karere ka Musanze ku rwego Rw’Igihugu. Ni umunsi mukuru ufite Insanganyamatsiko igira iti : “ Koperative yubaka Ejo hazaza heza kuri Bose “. Umuyobozi w’Akarere yahaye Ikaze abitabiriye uyu munsi Mukuru, ashimira Ubuyobozi bw’Amakoperative bwateguye uyu munsi mukuru,yanashimiye kandi Inama ya Guverinoma yateranye ikemeza ko Umunsi mukuru Mpuzamahanga w’Amakoperative ubera mu Karere ka Musanze kuko byongera imbaraga zo gukora ku banyamuryango b’Amakoperative abarizwa mu karere ka Musanze. Ibirori byitabiriwe kandi n’Abayobozi mu nzego zitandukanye, ba Guverineri bo mu Rwanda, Abanyamabanga Bahoraho muri Minisiteri y’Ubucuruzi n’Inganda na Minisiteri y’Ubuhinzi n’Ubworozi, Umuyobozi Mukuru w’Ikigo cy’Igihugu cy’Amakoperative (RCA), Abayobozi b’Uturere , Inzego z’Umutekano n’Abanyamuryango baturutse mu mpande zose z’Igihugu . Umushyitsi Mukuru muri uyu muhango yari Guverineri w’Intara y’Amajyaruguru Hon. MUGABOWAGAHUNDE Maurice. Yashimiye cyane abagize uruhari mu itegurwa ry’uyu munsi , ashimira ikigo cy’igihugu cy’Amakoperative k’ubufatanye kigirana na Leta mu kuzamura Imibereho Myiza  n’Iterambere ku ba Nyarwanda.