Kuri uyu wa 06 Ukwakira 2024 ,Umuyobozi w’Akarere ka Musanze Bwana NSENGIMANA Claudien ari na Komite Nyobozi, n’Abakozi b’Akarere ka Musanze bitabiriye Umukino wahuje Abakozi b’Akarere bafatanyije n’Abikorera bo mu Karere wabahuje n’Abakozi ba RDB. Ni umukino wa Gicuti wabaye mu rwego rwo kwitegura umukino uzahuza Akarere ka Musanze n’Akarere ka Burera ku wa 11/10/2024. Iyi mikino irimo iba mu rwego rwo gutegura kwita Izina ku nshuro ya 20 Abana b’Ingagi 22 bizaba ku wa 18/10/2024.Umukino wabereye mu Murenge wa Kinigi mu kagari ka Kampanga witabiriwe kandi n’Inzego z’Umutekano n’Abaturage bo muri uwo murenge.Umukino warangiye Amakipe yombi anganyije kimwe kuri kimwe. Umuyobozi w’Akarere yashimiye SACOLA yateguye uyu mukino ku bufatanye ikomeza kugirana n’Akarere ka Musanze, usibye uyu mu kino kandi Sacola isanzwe ifatanya n’Akarere mu bikorwa by’iterambere bituma abaturage bikura mu bukene harimo ( Kububakira amazu,kugeza amazi meza ku baturage…). Umushyitsi mukuru muri uyu muhango yari Guverineri w’Intara y’Amajyaruguru Hon. MUGABOWAGAHUNDE Maurice, mu butumwa yatanze yashimiye Ubuyobozi bw’Akarere na SACOLA ku bufatanye bakomeje kugirana mu kuzamura Imibereho Myiza y’Abaturage bashyira umuturage ku Isonga. Yabasabye kandi gukomeza Imyiteguro myiza yo kwita izina Abana b;Ingagi ku nshuro ya 20 barangwa n’isuku .