Kuri iki gicamunsi cyo kuri uyu wa Gatanu tariki ya 30 Mata 2021, muri iki gihe Abanyarwanda n'Inshuti z'u Rwanda dukomeje Kwibuka ku Nshuro ya 27 Jenoside Yakorewe Abatutsi mu Rwanda mu 1994, mu Karere ka Musanze habereye Umuhango wo Kwibuka Inzirakarengane z'Abatutsi ziciwe mu Cyahoze ari Komini Mukingo.

Uyu muhango wabereye  mu Murenge wa Busogo, ku Rwibutso rwa Busogo ruherereye mu Kagari ka Sahara, mu Mudugudu wa Ryamukutsi.

Witabiriwe n'Umuyobozi w'Akarere ka Musanze Wungirije Ushinzwe Iterambere ry'Ubukungu, Bwana Andrew MPUHWE RUCYAHANA, Umuyobozi Wungirije wa CAVM, Perezida wa IBUKA mu Karere, Uhagarariye Abafite Ababo Baruhukiye muri urwo Rwibutso, Umuyobozi w'Akarere Wungirije Ushinzwe Imibereho Myiza y'Abaturage, Abagize Inama y'Umutekano Itaguye y'Akarere, Umuhuzabikorwa wa CNLG mu Turere twa Musanze na Burera, Uhagarariye AVEGA, Uhagarariye Amadini n'Amatorero mu Karere, Perezida w'Abakangurambaga b'Ubumwe n'Ubwiyunge mu Karere, Visi Perezida wa IBUKA mu Karere, Uhagarariye AORG, Uhagarariye Abikorera mu Karere,  Umunyamabanga Nshingwabikorwa  w'Agateganyo w'Umurenge wa Busogo n'abandi.

Abitabiriye bahuriye kuri "Monument" yubatswe ku Ishuri Rikuru rya CAVM, aho bashyize indabo bazirikana izo Nzirakarengane, nyuma barekeza ku Rwibutso.

Umuhango watangijwe unasozwa n'Isengesho.

Muri CAVM: Perezida wa IBUKA mu Karere n'Umuyobozi wa CAVM bashyira indabo kuri Monument

Ku Rwibutso rwa Jenoside Yakorewe Abatutsi mu Rwanda mu 1994 rwa Busogo abitabiriye bunamira izo Nzirakarengane