Kuri uyu wa 22 Ukwakira 2024, Umuyobozi w’Akarere ka Musanze Bwana NSENGIMANA Claudien yitabiriye Umuhango wo gusezerera ku mugaragaro no gusubiza mu buzima busanzwe abahoze mu mitwe yitwaje Intwaro . Umuyobozi w’Akarere mu Ijambo rye yahaye Ikaze abitabiriye uyu muhango wo gusezerera no gusubiza mu buzima busanzwe abagera kuri 39 bitandukanyije n’Imitwe yitwaje intwaro ikorera muri Repubulika Iharanira Demokarasi ya Congo (DRC).  Ni Umumuhango wabaye ku nshuro ya 72 . Umwe mu basezerewe witwa Emmanuel MUHIRE, yashimiye cyane Ubuyobozi bwiza bw’Igihugu cyacu n’Abanyarwanda muri rusange ku buryo bakirana abava mu mashyamba ya DRC mu mitwe yitwaje Intwaro ,hatitawe ku myitwarire yabo yo gushaka guhungabanya Umutekano w’Igihugu. Ni Umuhango witabiriwe n’Abayobozi mu nzego zitandukanye , harimo Guverineri w’Intara y’Amajyaruguru Hon. MUGABOWAGAHUNDE Maurice, Inzego z’Umutekano , bamwe mu bahagarariye Ibihugu byabo . Mu butumwa yatanze Hon. NYIRAHABINEZA Valerie Peresidante wa RDRC  yasshimiye abitabiriye bose , ashimira abafashe umwanzuro wo gutaha, abasaba ko bategurwa neza bagahindurirwa Imyumvire ,imyitwarire bityo bagasubizwa mu buzima busanzwe ari Abanyarwanda bakeye kandi bazima, bafite imyumvire mishya inyuranye n’iyo bari bafite bakiri mu mashyamba.