Umuyobozi w'Akarere Wungirije Ushinzwe Imibereho Myiza y'Abaturage Bwana KAYIRANGA Theobald yifatanyije n'abaturage bo mu Murenge wa Gataraga, AKagari ka Rungu, Umudugudu wa Nyarubande ahakozwe Umuganda muri ECD (Blessing ECD) n'Igikoni cy'Umudugudu, abana bahabwa ifunguro ryuzuye ryateguwe ku bufatanye na Ireme, Education for Social Impact.

Mu butumwa bwatanzwe ku baturage bitabiriye uyu muganda, Umuyobozi w'Akarere Wungirije Ushinzwe Imibereho Myiza y'Abaturage Bwana KAYIRANGA Theopbald yabibukije ko abagabo bakwiye Kwita ku burere n'imikurire by'abana bagafatanye n'ababyeyi b'abagore kwita ku mikurire y'abana babo, haba mu gihagararo no mu bwenge.

Bwana KAYIRANGA Theobald yasabye abaturage kwirinda inzoga z'inkorano kuko zituma batuzuza inshingano zabo zo Kwita ku muryango. Yabashishikarije gutanga umusanzu wabo w'ubwisungane mu kwivuza, akangurira abayeyi kwitabira kwipimisha inda hakiri kare. Bwana KAYIRANGA yasoje ashimira umuryango wemeye ko urugo rwawo rukoreshwa nk'Urugo mbonezamikurire y'Abana bato.