Uyu munsi,  Nyakubahwa Guverineri w' Intara y' Amajyaruguru  Madamu Nyirarugero  Dancille  arikumwe  n' Umuyobozi w' Akarere Wungirije Ushinzwe Iterambere ry' Ubukungu Bwana  Rucyahana Mpuhwe Andrew  yifatanyije n' abaturage bo mu Murenge wa Busogo mu Kagari ka Nyagisozi mu Muganda  Rusange  usoza ukwezi kwa Kamena 2023.

Uwo muganda wanitabiriye na Bgde Commander w' Ingabo mu Karere  ka Musanze . Lt. Col. Nyagatare Francis, Umuyobozi wa POLICE  mu Karere ka Musanze   DPC SP Elvis Munyaneza , Abayobozi n' abakozi  b' Akarere mu nzego zitandukanye, Ingabo , POLICE n' abaturage. Umuganda  wibanze ku gukura ibitaka n' ibishyitsi muri Rigori y' umuhanda wa Nyagisozi-Kavumu byawurunzwemo n' inkangu.

Nyuma y' Umuganda, Nyakubahwa Guverineri yagiranye ikiganiro n' abaturage bawitabiriye abagezaho ubutumwa bwibanze ku kwita ku isuku n' isukura guhera mu ngo, ku mubiri, ku biribwa,  ahakorerwa, mu biraro( ku borora)  no mu bwiherero . Guverineri yasabye abaturage kurwanya amakimbirane yo mu ngo, kwita ku burere n' uburezi  bw' abana babarinda kuva mu ishuli no kurisubizamo abarivuyemo, kurwanya no gukumira ibiza ndetse no gutanga ubwisungane mu kwivuza bw' umwaka wa 203/2024 ku gihe. Yanashishikarije abaturage kujya bagira uruhare mu bibakorerwa no  mu ishyirwamubikorwa ry' Imihigo.

Asoza ijambo rye, Guverineri yashimiye abantu bose bitabiriye umuganda abasaba kujya bawitabira ku bwinshi ku rushaho anabasaba kujya banubahiriza n' izindi gahunda zose za Leta. Yabasabye gusigasira ibyiza Igihugu cyagezeho no kubibyaza umusaruro mu rwego rwo guharanira iterambere rirambye.