Kuri uyu wa Gatandatu tariki ya 28 Gashyantare 2026, kimwe n’ahandi mu gihugu hose, mu Karere ka Musanze hakozwe umuganda rusanjye usoza ukwezi kwa Gashyantare 2026.

Ku rwego rw’Akarere, umuganda wabereye mu Murenge wa Kimonyi, witabirwa n’abayobozi batandukanye barimo Guverineri w’Intara y’Amajyaruguru Mugabowagahunde Maurice, abagize Komite Nyobozi y'Akarere la Musanze , Abayobozi b'Uturere tugize Intara y’Amajyaruguru n'Inzego z'umutekano. Uyu Muganda wibanze ku bikorwa byo gutunganya umuhanda wa Rurembo ureshya na KM 1.

Mu rwego rwo kwimakaza umuco wo kwigira no kwishakamo ibisubizo, Minisiteri y’Ubutegtsi yahembye udushya 6 twahize utundi mu Ntara y'Amajyaruguru, tugira uruhare mu iterambere ry’imiyoborere myiza, ubukungu n’imibereho myiza by’Abaturage. Udushya 3 twambere twahawe miliyoni 2 Frw, utundi duhabwa miliyoni 1 Frw.

Mu butumwa yagejeje ku bitabiriye uyu muganda, Guverineri Mugabowagahunde Maurice yabasabye kurwanya imirire mibi, gusubiza abana mu ishuri, kwimakaza #IsukuHose n'ubufatanye mu kwirinda no kurwanya ibinyobwa bitujuje ubuziranenge.

Mu Karere ka Musanze, umuganda wibanze ku bikorwa bikurikira: hari ugutunganya imihanda, Kuzamura inkuta z'amatafari hubakirwa utishoboye, Kubumba amatafari y'inkarakara, Kubumba inkarakara no gutwara itaka ryo kubakira abatishoboye. Ibyakozwe byose bifite agaciro ka 28,121,000 Frw.