Kuri uyu wa mbere tariki ya 17/10/2022, Umuyobozi w'Ishami ry'Imiyoborere Myiza mu Karere ka Musanze Bwana TWIZERIMANA Clément, yakiriye abahagarariye MCBO bayobowe n'umuyobozi wayo Mme MATEGEKO Safi baje gukorera mu Karere ka Musanze. Bagiranye inama n'abahagarariye ibyiciro bitandukanye barimo abahagarariye Inama y'umutekano itaguye y'Akarere, Abanyamabanga Nshingwabikorwa b'Imirenge MCBO izakoreramo, Uhagarariye JADF y'Akarere n'abandi.

Baje gukorera mu Mirenge 5 ariyo: Busogo, Gataraga, Kimonyi, Kinigi na Musanze. Bazakorana n'abagize inzego zatowe zirimo CNF, CNJ, NCPD, PSF, ABUNZI, IZU,...

Bazibanda ku bukangurambaga bujyanye no kubaka umuryango nyarwanda binyuze mu guhugura ibyiciro bitandukanye kuri gahunda zibafasha gukemura ibibazo by'abaturage guhera mu masibo, gukorana n'urubyiruko muri gahunda ya NDI UMUNYARWANDA,...

Umuyobozi w'Ishami ry'Imiyoborere Myiza yashimiye umufatanyabikorwa n'abitabiriye iyi nama. By'umwihariko yabasabye no kuzafasha mu bukangurambaga k'ukurwanya amakimbirane mu miryango cyane cyane hagati y'abashakanye, gusezerana ku bagabo n'abagore babana batarasezeranye, kurwanya inda z'imburagihe n'inda zitifuzwa mu rubyiruko, kurwanya imirimo ivunanye ikoreshwa abana no guta ishuri kw'abana...

Inama yasoje abayitabiriye biyemeje ubufatanye kugira ngo ibikorwa byose biteganyijwe kuzakorwa bizagere ku ntego zabyo.

Kamanzi Jean Bosco

Ag PRMCO