Muri bwa bufatanye buhora muri gahunda zose zigamije iterambere n’imibereho myuiza y’Abaturarwanda n’abasura u Rwanda n’abarukoreramo, mu gitondo cyo kuri uyu wa Gatandatu tariki ya 22 Mutarama 2022, Ubuyobozi bw'Akarere ka Musanze bwifatanyije n'ubwa Polisi mu Gikorwa cy'Umuganda Rusange wo Gutera Ibiti muri gahunda yo kubungabunga ibidukikije.

Uyu muganda wateguwe na Polisi, ukaba wabereye mu Kigo cyayo giherereye mu Murenge wa Muhoza, mu Kagari ka Kigombe, mu Mudugudu wa Nduruma, ukaba wari witabiriwe n'Abapolisi n’Urubyiruko rw’Abakorerabushake bakorera muri uwo Murenge.

Muri iki gikorwa, cyari kiyobowe na Ag.DPC CIP Speciose KAYITESI, Ubuyobozi bw’Akarere bwari buhagarariwe n’Umuyobozi w’Akarere Wungirije Ushinzwe Iterambere ry’Ubukungu, Bwana Andrew MPUHWE RUCYAHANA, wari kumwe n’Umukozi Ushinzwe Amashyamba mnu Karere, Bwana MUSONI Protais, na wabanje gutanga inyunganizi  mu kuberekera ibijyanye n’iyi gahunda yo kubungabunga ibidukikije, by'umwihariko mu gutera ibiti.

Muri rusange, hatewe ingemwe 1200 z'ubwoko butatu butandukanye zigizwe na gereveriya 1000, sipure 150 n’avoka 50.