Muri iki gitondo cyo kuri uyu wa Kabiri tariki ya 07 Ukuboza 2021, mu Cyumba cy'Inama cy'Akarere ka Musanze harimo kubera Inama Nyunguranabitekerezo kuri Gahunda yo Kurerera Abana Bafite Ubumuga mu Muryango.   

Iyi nama yateguwe n'Akarere ku bufatanye na NCPD, ikaba yitabiriwe  n'abantu mu Nzego zitandukanye zifite aho zihurira no kurengera Abantu Bafite Ubumuga mu Karere no mu Mirenge.

Muri iyi nama, Ubuyobozi bw'Akarere ka Musanze buhagarariwe n'Umuyobozi w'Ishami ry'Uburezi mu Karere, Bwana MUNYAMAHORO Alexis, naho ku ruhande rw'Abashyitsi  hakaba hari Bwana TUYIZERE Oswald (Coordinator of Family Based Care for Support Children with Disabilities/NCPD), Madamu UWAMARIYA Genevieve (Umukozi wa UNICEF Ushinzwe Kurengera Umwana),  Madamu MUKAMANA Monique (Umukozi wa NCDA Ushinzwe Abana) na Madamu UWAMARIYA  Florentine (Social Reabilitation Officer/NCPD).

Abitabiriye barimo kurebera hamwe uko bahuriza hamwe imbaraga mu kurushaho guhindura ya myumvire ya kera, aho kubyara abana bafite ubumuga byafatwaga nk'ishyano, bikanatera inkeke mu miryango, ikanadindira, aho kubaha amahirwe nk'ay'abandi no gukorerwa ubuvugizi aho bibaye ngombwa, hagamijwe iterambere ry'Umuryango Nyarwanda muri rusange.

Abitabiriye iyi nama bafashe imyanzuro itandukanye irimo:kureberera no kubungabunga uburenganzira bw’umwana ufite ubumuga,kumukorera ubuvugizi kugirango yitabweho uko bikwiriye ndetse no gukurikirana uko abayeho mu muryango no gufasha adafite imiryango kuyibona no kubarinda ihohoterwa bakorerwa.