Kuwa Gtandatu Tariki ya 9 Nzeri 2023 , Guverineri w' Intara y' Amajyaruguru Bwana  Mugabowagahunde  Maurice n' Umuyobozi w' Agateganyo w' Akarere ka Musanze Bwana  Hamiss Bizimana bifatanyije n' abaturage  bo mu Mirenge ya  Muhoza na  Cyuve muri Siporo Rusange. Iyi Siporo yitabiriwe n' Abayobozi mu nzego zitandukanye, Inzego z' Umutekano , Abakozi ba Leta n' inzego z' abikorera , abanyeshuli bo mu Bigo by' Amashuri Makuru na Kaminuza, Urubyiruko n' abaturage muri rusange.

 Siporo yatangiriye kuri GOICO-IBERESHI-KARERE-SONRISE-NYARUBANDE-GIRAMAHOR- isorezwa kuri Sitade UBWOROHERANE ahakorewe imyitozo ngororangingo.Mu ijambo yagejeje  ku bitabiriye Siporo  Rusange  , Guverineri w' Intara y' Amajyaruguru    yabashishikarije kwitabira Siporo buri gihe  kuko ari ubuzima, kwita ku isuku n' isukura, kwihutira gutanga ubwisungane mu kwivuza bwa 2023/2024 n' ibindi.

Nyuma ya Siporo, hakurikiyeho igikorwa cyo gupima indwara zitandura cyateguwe ku bufatanye n' Ibitaro Bikuru bya Ruhengeri; iki gikorwa kikaba cyaritabiriwe n' Abayobozi mu nzego zitandukanye , Urubyiruko ndetse n' abaturage batandukanye.