Kuri uyu wa mbere tariki ya 10/10/2022, Umuyobozi w'Akarere Bwana RAMULI Janvier ari kumwe n'Umuyobozi w'Akarere Wungirije Ushinzwe Iterambere ry'Ubukungu Bwana MPUHWE RUCYAHANA Andrew, bifatanyije na Nyir'icyubahiro Musenyeri wa Diyosezi Gatolika ya Ruhengeri Vincent HARORIMANA gushyira ibuye ry'ifatizo ahagiye kubakwa Ishuri ry'incuke n'ishuri ribanza hamwe n'urugo rw'Ababikira "Les Oblates du Christ Roi" washinzwe na Padiri Enrico Mauri wo mu Gihugu cy'Ubutaliyani.

Hazubakwa ishuri ry'incuke n'ishuri ribanza rizubkwa mu buryo bugeretse "Etage'. Ibi bikorwa byombi bigiye kubakwa mu Murenge wa Cyuve, Akagari ka Bukinanyana, Umudugudu witwa Mubwiza. Imishinga yombi y'ubwubatsi izatwara ingengo y'imari igera kuri Miliyari imwe na Miliyoni magana atatu. Basezeranyije ubuyobozi bw'Akarere ko bazatanga akazi ku baturage baturiye izi nyubako hamwe no kubafasha kwitabira gahunda za Leta nka Mitiweri, EJO HEZA,...

 Mu butumwa bwe, Umuyobozi w'Akarere yashimye iki gikorwa cy'iterambere kiri mu cyerekezo cy'Igihugu cyo kubaka ubukungu bushingiye ku bumenyi. Yashimye kandi ubufatanye buranga Diyosezi Gatolika ya Ruhengeri n'Ubuyobozi bw'Akarere muri gahunda zitandukanye z'iterambere muri rusange n'iz'uburezi by'umwihariko. Yabijeje ubufanye buhoraho. Nabo bashimiye ubuyobozi bw'Akarere ka Musanze bukomeje kubaba hafi.

Kamanzi Jean Bosco

Ag PRMCO