Mu gitondo cyo kuri iki cyumweru, tariki ya 21 Ukuboza 2025, mu Mirenge yose, Abayobozi mu nzego zitandukanye bifatanyije n'abaturage muri siporo rusange. Ku rwego rw'Akarere yabereye mu Murenge wa Muhoza, yitabirwa n'Abayobozi batandukanye barimo Umuyobozi w'Akarere Bwana Nsengimana Claudien, Umuyobozi w'Ibitaro bya Ruhengeri Dr. Muhire Philbert.

Ku rwego rw'Akarere Siporo yatangiriye kuri Stade Ubworoherane hakorwa siporo yo kwiruka no kugenda n'amaguru, iranahasorezwa hakorwa imyitozo ngororamubiri, idufasha kugira ubuzima bwiza no kurwanya indwara zitandura.

Abitabiriye iyi siporo bahawe ubutumwa bunyuranye bwibanze ku ngingo zikurikira: Gukomeza gukora siporo kuko ari ubuzima Kwirinda ibiyobyabwenge Ubukurambaga ku isuku n’isukura Gukangurira Abanyeshuri baje mu biruhuko  kurangwa n'imyitwarire myiza.