None tariki ya 1.Gashyantare 2025,  mu Mirenge yose y'akarere ka Musanze habereye ibirori byo kwizihiza Umunsi Mukuru w'Intwari z'Igihugu ku rwego rw'Akarere ukaba wabereye  muri “Stade Ubworoherane”, aho Umuyobozi w'Intara Guverineri  w'Intara y'Amajyaruguru bwana Mugabowagahunde Maurice, umuyobozi w'Akarere Bwana NSENGIMANA Claudiren n'abagize inama y'umutekano itaguye ku rwego rw'Intara n'Akarere bifatanije n'abaturage muri uyu munsi mukuru. mu bandi bitabiriye ibi birori, harimo itsinda ry'Abadepite mu nteko ishinga amategeko y'u Rwanda riyobowe na Hon. UWERA Pelagie.

Mu ijambo rye, Guverineri yavuzeko Umunsi Mukuru w'Intwari z'Igihugu ari umwanya mwiza wo gutekereza ku butwari nk'indangagaciro y'umuco w'u Rwanda, asaba ko abaturage bawuhuza n'umuco wo gukunda Igihugu hamwe n'izindi ndangagaciro zirimo Ubumwe, n'ubupfura. insanganyamatsiko y'Umunsi mukuru w'Intwari z' Igihugu igira iti UBUTWARI N’UBUMWE BW'ABANYARWANDA INKINGI Z'ITERAMBERE

bimwe mu bikorwa byaranze uyu munsi:

1.    Indirimbo, imbyino n'Imivugo  bijyanye n'Umunsi w'Intwari 
2.    Ikiganiro ku byaranze Intwari z'Igihugu
3.    Koroza abaturage muri gahunda ya Girinka munyarwanda aho horojwe imiryango irindwi
4.    Kuremera abatishoboye : 
•    Hatanzwe MUSA y’ibihumbi 700,000 frw yishyurirwa abantu 233 babarizwa mu miryango 83
•    Imiryango 12 yahawe ibiribwa bitandukanye byatanzwe n’abaturage mu Midugudu,
•    Uwagororewe Iwawa yahawe igare na coperative y'abanyonzi mu rwego rwo kumufasha gusubira mu buzima busanzwe. 
•    Umwangavu wabyariye iwabo yahawe ibihumbi 50,000 frw byo kumufasha 
•    Abana 2 bakuwe mu buzererezi bemerewe kwiga muri Kingdom school
•    Umugore wabyaye abana 3 yahawe ibitenge 3 ibiribwa bitandukanye birimo n’ibiro 25 by’umuceri