Kuri iki cyumweru tariki ya 32 Gicurasi 2026, Guverineri w'Intara y'Amajyaruguru Bwana Mugabowagahunde Maurice yifatanyije n'Abakozi b'Akarere ka Musanze mu kwizihiza Umunsi Mpuzamahanga w'Umurimo 2026, usanzwe wizihizwa ku wa 1 Gicurasi buri mwaka.

Abakozi b'Akarere bakorera ku rwego rw'Akagari, Imirenge, abakorera ku cyicaro cy'Akarere n'inzego z'umutekano bateraniye hamwe, bahabwa ubutumwa bugamije guteza imbere umurimo unoze no gukorera hamwe mu rwego rwo guteza imbere umuturage n'urwego umukozi akorera.

Kwizihiza umunsi mpuzamahanga w'umurimo byahuriranye no gutora abakozi b’indashyikirwa ku Mirenge no ku Karere, no guhemba Imirenge n'Utugari byagaragaje ibikorwa by'indashyikirwa mu guteza imbere isuku n'isukura. Mu Mirenge 15, Gacaca niyo yaje ku isonga. Mu Tugari 68, Akagari ka Ruhengeri mu Murenge wa Muhoza niko kaje ku isonga. 

Mu butumwa bwe, Guverineri wa Mugabowagahunde Maurice yabwiye Abakozi ko bafite inshingano yo gutanga serivisi nziza, abasaba kunoza imikorere, imikoranire n'inzego no kwita ku gukemura ibibazo bitandukanye bibangamiye imibereho myiza y'abaturage. Umukozi watowe nk’indashyikirwa ku rwego rw’Akarere ni Tuyishimire Jean Baptiste ukora mu ishami rya OSC (Land Administrator)