Kuri uyu wa gatandatu tariki ya 08 Werurwe 2025, mu Mirenge yose igize Akarere ka Musanze hijihijwe Umunsi Mpuzamahanga w'Umugore Ufite Insanganyamatdiko igira iti" Umugore ni Uw' Agaciro" Ku rwego rw'Akarere uyu munsi mukuru wijihirijwe mu Murenge wa Shingiro mu Mudugudu wa Rwinuma.

Ibi birori byitabiriwe na Guverineri w' Intara y' Amajyaruguru Bwana MUGABOWAGAHUNDE Maurice, wari Umushyi mukuru, Mugabowagahunde Maurice. Yari kumwe na bamwe mu Abadepite bagize Ihuriro ry' Abanyarwandakazi bari mu Nteko Ishinga Amategeko (FFRP), Inzego z' Umutekano ku rwego rw' Intara n'Akarere, Umuyobozi w'Akarere ka Musanze, Bwana Nsengimana Claudien, Umuyobozi w'Akarere ka Musanze, Bwana Nsengimana Claudien munyamabanga Nshingwabikorwa w' Intara y'Amajyaruguru, Abagize CNF mu Ntara y' Amajyaruguru, Komiye y' Amakoperative y'Abagore afite ubuzimagatizi mu Ntara y' Amajyaruguru no mu Karere ka Musanze, Komite ya CNF mu Karere ka Musanze n’Abafatanyabikorwa batandukanye ( Action Aid Rwanda, ARDHO, RWAMREC, MCBO, …)

Ibirori byaranzwe n’Ubutumwa bw'Abayobozi bujyanye n'insanganyamatsiko, Ibihangano mu ndirimbo, imbyino n' imivugo bishimira ibimaze kugerwaho mu Miyoborere Myiza yateje imbere umugore, Ubuhamya bw'Umuryango wavuye mu makimbirane, Guhemba imiryango yavuye mu makimbirane no kuremera imiryango itandukanye; Hari imiryango yahawe amatungo maremare n' amagufi yiganjemo inka, ihene, intama. Hari iyahawe imbabura za cana rumwe runonko, hakaba n’iyahawe ibigega bifata amazi y'imvura n’iyahawe ibiryamirwa. Hari kandi imiryango itanu y'abanaga mu buryo butemewe n'amategeko yasezeranye.

Mu ijambo ry'Umushyitsi Mukuru yagarutse ku ruhare rw' Umugore mu iterambere ry' urugo n' igihugu muri rusange asaba abitabiriye ibi birori kwirinda amakimbirane yo mu miryango, Gusezerana byemewe n' amategeko, kurwanya ihohoterwa rishingiye ku gitsina rikorerwa abagore n’abakobwa no gufatanya mu gukuraho inzitizi zidindiza iterambere ry' Umugore. Yashoje asaba abaremewe gufata neza ibyo baremewe no gushyirahamwe bakubaka Umuryango Ushoboye Kandi Utekanye.

Mu birori by' uyu munsi Kandi Umuyobozi w' Akarere Wungirije Ushinzwe Ubukungu yifatanyije n'abaturage b'Umurenge wa Kimonyi mu gihe Umuyobozi w'Akarere Wungirije Ushinzwe Imibereho Myiza y'' Abaturage yifatanyije n' Abaturage b' Umurenge wa Rwaza.