Kuri uyu wa 01 UKWAKIRA , Umuyobozi w’Akarere ka Musanze Bwana NSENGIMANA Claudien  yifatanyije n’Abaturage b’Umurenge wa Gacaca , Akagari ka Gakoro mu kwizihiza Umunsi Mpuzamahanga w’Abageze muzabukuru. Ni umunsi mukuru wari ufite Insanganyamatsiko igira iti :” Amasaziro meza , Ishema ry’Abageze mu zabukuru “. Umuyobozi yashimiye abitabiriye bose by’Umwihariko abageze mu zabukuru gukomeza kwizigamira muri Ejo Heza kuko ibafasha mu gihe nk’iki bagezemo, gutangira Ubwisungane mu Kwivuza ku gihe (MUSA ),kwirinda amakimbirane mu miryango , Kurangwa n’Isuku birinda indwara z’ibyorezo . Yabasabye kandi kwimakaza Indangagaciro na Kirazira z’Umuco Nyarwanda no gukomeza kuzitoza abakiri bato.