Abakozi b’Akarere ka Musanze bayobowe na Visi Meya Ushinzwe Ubukungu Madamu UWANYIRIGIRA Clarisse bitabiriye igikorwa cyo Kwibuka ku nshuro ya 32 Jenoside yakorewe Abatutsi mu 1994, hibukwa by’umwihariko abari abakozi ba za Perefegitura zahujwe zikaba Intara y’Amajyaruguru bazize Jenoside yakorewe Abatutsi.

Iki gikorwa cyaberey ku Biro by’Intara y’Amajyaruguru kikaba cyabanjirijwe no kunamira no guha icyubahiro abazize Jenoside ykoewe abatutsi baruhukiye ku Rwibutso rwa Jenoside yakorewe Abatutsi rwa Cour d'Appel de Ruhengeri. Umushyitsi mukuri yari Senateri Senateri Nyinawamwiza Laetitia.

Mu butumwa yatanze, Guverineri Mugabowagahunde Maurice yavuze ko kugeza ubu hamaze kumenyekana abakozi bagera kuri 20 bakoreraga za Perefegitura n’ibigo bitandukanye byo kuri urwo rwego bazize Jenoside yakorewe Abatutsi, yongeraho ko igikorwa cyo gushakisha abandi kigikomeje. 

Mu butumwa bwe, Senateri Nyinawamwiza Laetitia yihanganishije abarokotse Jenoside yakorewe Abatutsi anabashimira ko biyubatse bakanagira uruhare mu kubaka Igihugu. Yavuze ko ari inshingano zacu kurinda amateka yacu no guharanira amahoro arambye,asaba by’umwihariko urubyiruko guhangana n'abagoreka amateka ya Jenoside bifashishije imbuga nkoranyambaga