Ejo Ku wa 06/11/2024 ,Umuyobozi w’Akarere ka Musanze Bwana NSENGIMANA Claudien ari kumwe n'Umunyamabanga Nshingwabikorwa W'Akarere Bwana KANAYOGE Alex, Umujyanama wa Komite Nyobozi mu Karere ka Musanze ndetse n'abakozi bakora ku Mushinga RUDP mu Karere ka Musanze, yakiriye itsinda riturutse muri LODA riyobowe na DG LODA ryari rigamije kureba aho  imishinga iterwa inkunga na LODA iri mu Karere ka Musanze igeze. Imishinga yaganiriweho ni iyi ikurikira: RUDP II phase 4, Food court, construction of stone arc bridges. Zimwe mu ngingo zagarutsweho zirimo: ikibazo cy'amafranga menshi ya expropriation yagaragajwe n'inyigo yakozwe ku Mushinga RUDP kandi Akarere kadashobora kuyabona. Kuri iki kibazo, impande zombi zemeranyijwe ko hashyirwaho itsinda rigizwe n'aba technicians bazaturuka muri LODA, Akarere ka Musanze na Rwiyemezamirimo (NPD) watsindiye kuzubaka imihinda na ruhurura byo mu mushinga wa RUDP kugirango bakorane design review hanarebwa uko ubugari bw'imihanda izubakwa bwagabanuka bityo cost ya expropriation ibe nayo yagabanuka. Biteganyijwe ko iri tsinda rizatangira kuwa mbere w'icyumweru gitaha rigasoza kuwa gatanu w'icyo cyumweru, ubwo n'ubuyobozi bw'ibigo byavuzwe haruguru buzahura burebera hamwe ibyavuye muri icyo gikorwa kugirango bubifateho umwanzuro. Ikibazo cy'abaturage batuye mu mudugudu wa mpenge akagari ka Mpenge bandikiye Akarere ka Musanze bagaragaza impungenge baterwa n'umuyoboro w'amazi azaturuka mu mihanda izubakwa mu Murenge wa Cyuve mu mushinga RUDP II phase 4 igiye kubakwa akazanyuzwa mu muhanda basanzwe bakoresha wo mu rusisiro batuyemo, aho bavugako imitungo yabo izata agaciro kubera ibibazo bavugako bizaterwa n'iyo ruhurura. Kuri iki kibazo, impande zombi zumvikanye ibi bikurikira: kuganira na RTDA igiye kubaka umuhanda wa Musanze-cyanika kugirango ngo barebe niba inyigo yawo itashobora kuba yakwakira amazi aturutse mu mihanda igiye kubakwa mu cyuve muri RUDP II phase 4. gihe ibi bivuzwe kuri point A byaba bidashobotse, itsinda ryavuzwe haruguru rizareba uko amazi yasaranganywa muri rigoles z'imihanda yari isanzwe, amwe akerekezwa muri mpenge, andi akanyuzwa kuri rigole y'umuhanda uturuka mu kinigi akomeza n'imbere ya MIPC. aho imirimo yo kubaka food court igeze: design review yararangiye. Akarere kagiye gutanga isoko ryo kuyubaka. Imirimo ya expropriation nayo yararangiye hasigaye kwishyura abaturage. Aho imirimo yo kubaka ibiraro (stone arc bridges) igeze: imyiteguro yose yararangiye. Imirimo yo gutangira kuyubaka izatangira kuwa mbere tariki ya 11 Ugushyingo 2024. Abitabiriye iki gikorwa basoye ahazubakwa imihanda, ruhurura, na food court hanyuma basoza bakora inama yafatiwemo imyanzuro yavuzwe haruguru.