Mu gitondo cyo kuri uyu wa Kabiri tariki ya 07 Ukuboza 2021, Umuyobozi w'Akarere ka Musanze Wungirije Ushinzwe Iterambere ry'Ubukungu, Bwana Andrew MPUHWE RUCYAHANA, yasuye Umurenge wa Gashaki, mu rwego rwo kuganira n'ibyiciro bitandukanye ku bijyanye n'ishyirwa mu bikorwa rya Gahunda za Leta.

Iyi nama yari yitabiriwe n'Inzego z'Umutekano, zari zihagarariwe na Lt Edison BIZUMUREMYI, Abakozi b'Akarere barimo Umuyobozi w'Ishami ry'Ubuhinzi n'Umutungo Kamere, Umukozi Ushinzwe Amashanyarazi  n'Ushinzwe Ubuhinzi, Abakozi b'Umurenge, Utugari kugeza ku Bakuru b'Imidugudu n'Abahagarariye Ibyiciro Byihariye muri uwo Murenge.