Kuri uyu wa 16 Ukwakira 2024, Umuyobozi w’Akarere ka Musanze Bwana NSENGIMANA Claudien yitabiriye Inama y’Ihuriro ry’Ubumwe n’Ubudaheranwa ry’Akarere ka Musanze , rifite insanganyamatsiko igira iti : “ Indangagaciro na Kirazira, Isooko y’Ubumwe n’Ubudaheranwa by’Abanyarwanda”. Umuyobozi w’Akarere yahaye Ikaze abitabiriye iri huriro, asaba abitabiriye gutanga ibitekerezo no gukurikira abari butugezeho ibiganiro bitandukanye. Iyi nama kandi yitabiriwe n’Abayobozi mu nzego zitandukanye ,Hon.  Alice KAYUMBA Uwera  Umuyobozi ushinzwe Ubumwe n’Ubudaheranwa , Intumwa ya Unit Club , Umuyobozi w’Akarere ka Musanze wungirije ushinzwe Imibereho Myiza y’Abaturage Bwana KAYIRANGA Theobald, Abayobozi n’Abahoze ari Abayobozi b’Akarere ka Musanze.  Abitabiriye iyi nama bahawe umwanya wo guhurira mu matsinda aho bareberaga hamwe inzitizi z’Ubumwe n’Ubudaheranwa n’Umuti wazo. Umushyitsi Mukuru muri uyu muhango yari Guverineri w’Intara y’Amajyaruguru Hon.MUGABOWAGAHUNDE Maurice. Yashimiye Akarere ka Musanze n’Abitabiriyeiri huriro, ashimira MINUBUMWE yatangiye gahunda yo guhugura Abarimu b’Amateka asaba ko yakwigishwa no mu bandi banyarwanda n’Uruhari igira mu gusobanurira Abanyarwanda Ubumwe n’Ubudaheranwa by’Abanyarwanda, asaba abitabiriye bose kugira Umutima wo gukunda Igihugu cyacu.