Kuri uyu wa Gatatu Tariki 12 Nyakanga 2023, mu Karere ka  Musanze habereye Inama y' Inteko Rusange . y'Abafatanyabikorwa mu Iterambere ry'Akarere (JADF) Imbarutso  yayobowe  na Perezida wa JADF mu Karere  Bwana MUGABUKOMEYE Benjamin  afatanyije n' Umuyobozi w' Akarere  Wungirije Ushinzwe Iterambere ry' Ubukungu Bwana   RUCYAHANA MPUHWE Andrew.

Inama yarigamije gusuzumira hamwe; aho ibikorwa bya JADF by' umwaka wa 2022/2023 bigeze bishyirwa mu bikorwa,  aho Imihigo y' Akarere ya 2022/2023 igeze ishyirwa mu bikorwa no gusuzuma  gahunda  yo kunoza  igenamigambi rihuriweho ry' ibikorwa by' umwaka wa 2023/2024.

Iyi nama yitabiriwe na Perezida wa Komisiyo y' Iterambere ry' Ubukungu mu Nama Njyanama y' Akarere Bwana Emile ABAYISENGA,  Umuhuzabikorwa wa JADF mu Karere ka MUSANZE Bwana Anaclet HABINSHUTI  , Abakuriye Amakomisiyo muri JDAF barimo;  Perezida wa Komisiyo y' Ubukungu  Madamu Elizabeth MUKARUBINDA, Perezida wa Komisiyo y' Imiyoborere Myiza n'Ubutabera Bwana BIZIMUNGU Thierry na Perezida wa Komisiyo y' Imibereho Myiza Bwana BYIRINGIRO James. 

Inama y' Inteko Rusange yanitabiriwe  n' abafatanyabikorwa batandukanye b' Akarere; abahagarariye imiryango itegamiye kuri Leta, Abahagarariye Imiryango Yegamiye kuri Leta, Abayobozi ba za Kaminuza zibarizwa mu Karere ka Musanze, Imishinga ikorera mu Karere,  abahagarariye Amadini n' Amatorero,  PSF, Abanyamabanga Nshingwabikorwa b' Imirenge yose igize Akarere ka  Musanze n' Abayobozi mu nzego zinyuranye.