Uyu munsi mu Karere ka Huye habaye imikino y'intoki ya kimwe cya Kabiri mu marushanwa y'Umurenge Kagame Cup 2024-2025. Muri aya marushanwa amakipe ane yo mu Karere ka Musanze ahagarariye Intara y'Amajyaruguru; Basketball y'abagabo, Basketball y'Abagore, Volleyball y'abagabo na Sitting ball y'abagabo, yitabiriye imikino. 

Basketball y'abagabo yakomeje mu itsinda ryayo ari iyambere nyuma yo gutsinda Akarere ka Kicukiro (Musanze 60 : Kicukiro 55) na Akarere ka Kamonyi (Musanze 49: Kamonyi 41). Basketball y'Abagore yakomeje mu itsinda ryayo ari iyambere nyuma yo gutsinda Akarere ka Kicukiro (Musanze 58: Kicukiro 38) n'Akarere ka Kayonza (Musanze 46 : Kayonza 42). Volleyball y'abagabo yo ntiyashoboye gukomeza nyuma yo gutsindwa n'akarere ka Nyanza n'Akarere ka Ngoma.

Iyi mikino yitabiriwe n'Umuyobozi w'Akarere Wungirije Ushinzwe Imibereho Myiza y'Abaturage Bwana Kayiranga Theobald, ari kumwe n'Umunyamabanga Nshingwabikorwa w'Akarere Bwana Kanayoge Alex.

Mu Karere ka Gisagara habereye imikino ya Sitball y'Umurenge KAGAME CUP, aho Uturere 6 aritwo: Musanze, Nyagatare, Gasabo, Kirehe, Kamonyi na Rubavu twahataniraga kuzitabira umukino wa nyuma uzabera mu Karere ka Musanze mu byumweru 2 biri mbere. Nyuma y'amajonjora Akarere ka Musanze kaje ku mwanya wa mbere nyuma yo gutsinda Nyagatare na Gasabo. Uturere twakurikiranye kuburyo buryo bukurikira:

Itsinda rya mbere:
1) Musanze
2) Gasabo

Itsinda rya kabiri:
1) Kirehe
2) Rubavu

Ayo ni yo makipe azahatanira umukino wa nyuma.