Muri gahunda yo kwegera abaturage binyuze mu mikino, kuri uyu wa 28 Nzeri 2025, habaye imikino ya gicuti y’umupira w’amaguru yabereye kuri Stade Ubworoherane habereye imikino ya ihuje abakozi n'abikorera bo mu mirenge ya Musanze na Muhoza n'abayobozi n'abakozi ku rwego rw'Akarere, barangajwe imbere n'abagize komoite Nyobozi y'Akarere. 

Umuyobozi w’Akarere Bwana NSENGIMANA Claudien yasabye abayeyi kwita ku myigire y’Abana, kunoza isuku, kwimakaza umuco wo kuzigamira ahazaza no gukorana n’ibigo by’imari mu kwiteza imbere.

Bwana NSENGIMANA Claudien yasabye abakinnyi n'abaturage bitabiriye gahunda yo kwegera abaturage binyuze mu mikino, gukunda umurimo no gukoresha neza amahirwe ari mu Karere ka Musanze, Akarere k'ubukerarugendo. 

Bwana Nsengimana yasabye ababyeyi gukurikirana imyigire y’abana, kunoza isuku bashyira imyanda ahabugenewe, kwitabira kwizigamira; muri gahunda ya Ejo Heza, gukorana n’ibigo by’imari mu kwizigamira no kwiteza imbere no guharanira gutanga serivisi nziza mu byo bakora byose.

Uko imikino yagenze.

Mu cyiciro cy'abagabo, igice cya mbere cy'umukino cyarangiye ikipe y'Akarere, yakinnyemo Umuyobozi w'Akarere Bwana NSENGIMANA Claudien na Visi Meya ushinzwe imibereho myiza y'abaturage Bwana KAYIRANGA Theobald, itsinze iy'abakozi n'abikorera bo mu mirenge ya Musanze na Muhoza ibitego 3-0.  Umukino urangira ku ikipe y’akarere itsinze 3-1.

Mu bagore, ikipe y'abayobozi n'abakozi ku rwego rw'Akarere iyobowe na Visi Meya ushinzwe Iterambere ry'Ubukungu UWANYIRIGIRA Clarisse, irimo n'umuhuzabikorwa w’Inama y’Iguhgu y’Abagore mu Karere ka Musanze Madamu NYIRAMUGISHA Denyse, yatsinze ikipe y'abakozi n'abikorera bo muri Muhoza na Musanze 2-0.

Iyi mikino yombi yabanjirijwe n’umukino wahuje urubyiruko rwo mu Murenge wa Muhoza n’urubyiruko rwo mu urenge wa Musanze. Uyu mukino warangiye ikipe ya #Muhoza itsinze ibitego 2-0 ikipe y'umurenge wa Musanze.