Muri gahunda yo gusura Imidugudu y'Icyitegererezo harebwa imibereho y’ayituye n’’uburyo ibyo bikorwaremezo bibungabunzwe abo bagenerwabikorwa babigizemo uruhare, mu gitondo cyo kuri uyu wa Mbere tariki ya 17 Mutarama 2022, Akarere ka Musanze kakiriye Itsinda rigizwe n'Abayobozi baturutse mu Nzego zitandukanye ku Rwego rw'Igihugu (Presidence, Primature na MINALOC), riyobowe  n'Umujyanama Mukuru Ushinzwe Gahunda z'Imibereho Myiza y'Abaturage mu Biro bya Minisitiri w'Intebe,  Hon. NYIRARUKUNDO Ignacienne.

Bakiriwe n'Umuyobozi w'Akarere Wungirije Ushinzwe Iterambere ry'Ubukungu, Bwana Andrew MPUHWE RUCYAHANA, mu Biro by'Umuyobozi w'Akarere, wari kumwe n'Umuyobozi w'Akarere Wungirije Ushinzwe Imibereho Myiza y'Abaturage, Umunyamabanga Nshingwabikorwa w'Akarere ndetse n'Umuyobozi Ushinzwe Imirimo Rusange mu Karere, babahaye ishusho rusange y’iyi gahunda, aho Akarere ka Musanze gafite Site 4 z’IUmidugudu y’Icyitegererezo ariyo IDP MV ya Kinigi mu Murenge wa Kinigi, ihuruza Amahanga ubutitsa, IDP MV ya Gakoro mu Murenge wa Gacaca, IDP MV y’Umutuzo mu Murenge wa Musanze na IDP MV ya Gatovu mu Murenge wa Gataraga.

Mu izina ryt'Umuyobozi w'Akarere batahasanze baje kubonana nyuma, V/M ED abaha ikaze

Uyoboye Itsinda asobanura impamvu nyamukuru y'uruzinduko

NDEJURU Radegonde (Presidence)

Nyuma y’inshamake bakorewe banashimye cyane, muri iyi Midugudu yavuzwe hejuru, abagize iri tsinda ubwabo basuyemo 2 (Kinigi na Gakoro), aho bakiriwe n’Abanyamabanga Nshingwabikorwa b’iyi Mirenge, bagirana ikiganiro kirambuye n’imiryango yatujwemo, yahurizaga kugushimira bikoimeye Ubuyobozi Bwiza burangajwe imbere na Nyakubahwa Perezida wa Repubulika uhora arajwe ishinga n’imibnereho myiza ya buri Muturarwanda. 

Mu Nzu Mberabyombi yo muri IDP MV ya KINIGI

Mu kigairo n'abatuye muri IDP MV ya GAKORO

Mu mpanuro babahaye, abagize iri tsinda bose babashimiye ko bibonera ubwabo icyerekezo cy’Igihugu bityo babasaba kureba kure, kubungabunga ibyagezweho no kubyubakiraho biteza imbere mu rwego rwo kwimakaza wa muco mwiza wo kwishakamo ibisubizo ku bibazo Bihari, byaba iby’abantu ku giti cyabo, byaba ibya rusange, binyuze mu guhuriza hamwe imbaraga, buri wese ku rugero rwe.