Mu rwego rwo gukangurira abaturage kunoza imicungire y’imyanda hagamijwe kwimakaza isuku no kurengera ibidukikije, ku bufatanye na Kaminuza Gatolika ya INES Ruhengeri hashyizweho udusanduku tw’imyanda (pubelles) dutanu ku muhanda wa INES–Kinigi.

Iki gikorwa cyabaye mu rwego rwa gahunda y’“Igitondo cy’Isuku,” igamije guteza imbere isuku n’isukura mu bice bitandukanye by’Akarere ka Musanze.

Iki gikorwa cyitabiriwe n’Umuyobozi w’Akarere Wungirije Ushinzwe Iterambere ry’Ubukungu Madamu Uwanyirigira Clarisse ari kumwe n’Umuyobozi w’Akarere Wungirije Ushinzwe Imibereho Myiza y’Abaturage Bwana Kayiranga Theobald, aho bashimangiye akamaro ko k’ubufatanye mu kurengera ibidukikije no kwimakaza umuco w’isuku mu baturage.

Bagaragaje ko gushyiraho izi pubeli z’imyanda bizafasha mu kurushaho gucunga imyanda neza no kugabanya umwanda ku mihanda, by’umwihariko mu gice cy’umuhanda wa INES–Kinigi gikorerwamo ingendo nyinshi.