Muri stade Ubworoherane habereye Igitaramo kibanziriza Umunsi mpuzamahanga w'umugore, uzizihizwa kuwa 8 Werurwe 2025, ku nsanganyamatsiko igira iti: Umugore ni Uw'Agaciro. Muri iki gitaramo, habaye imikino itandukanye: Ikipe y'abakobwa ya ETEFOP yatsinze ibitego  2- 1 cy’ikipe y’Umurenge wa Cyuve muri Football, naho mu mukino w’agati, Ikipe y’abakozi b’Akarere itsinda ibitego 2 – 1 cy’ikipe y’Abikorera (PSF Musanze).

Igitaramo cyitabiriwe n'abayobozi mu byiciro binyuranye: Intumwa z'Ihuriro ry'Abanyarwandakazi bari mu Nteko Ishinga Amategeko (FFRP), Visi Meya Ushinzwe Imibereho Myiza Bwana KAYIRANGA Theobald, Umuhuzabikorwa wa CNF mu karere DenyseNYIRAMUGISHA , Inzego z'umutekano, Abagize CNf   mu Karere,  Abagore bari mu makoperative, Komite y' Urubyiruko  mu Karere, Urubyiruko rwiga mu mashuri atandukanye yo mu Murenge wa Muhoza n'’abandi batumirwa batandukanye.

Umuyobozi wa Banki ya Kigali, Ishami rya Musanze, Mukagasana Esperance yatanze ikiganiro gishishikariza umugore kwitinyuka kuko ashoboye, kwihangira imirimo no gukora yizigamira. Yibukije ababyeyi ko abana bose bareshya kandi bangana imbere y'amategeko, bityo ko bakwiye kubafata kimwe