Kuri uyu wa Kabiri tariki ya 28 Mata 2026, Abagize Komite Nyobozi na Komite ngenzuzi ya Koperative Abizerwa bagiranye ibiganiro n’Umuyobozi w’Akarere ka Musanze, Claudien Nsengimana, byabereye mu Murenge wa Kinigi.

Ibi biganiro byibanze ku gukemura ikibazo cy’imikoreshereze y’ubutaka bw’iyi koperative, hagamijwe gushaka ibisubizo birambye byafasha mu kunoza imikorere yayo no kuyiteza imbere.

Umuyobozi w’Akarere yashimangiye ko ubuyobozi buzakomeza gufasha amakoperative mu gukemura ibibazo bahura na byo, anabashishikariza gukoresha neza umutungo bafite no kunoza imiyoborere, kugira ngo barusheho gutanga umusaruro no kuzamura imibereho y’abanyamuryango.