Kuri uyu wa 26 Ukwakira 2025, mu murenge wa Kinigi hasorejwe imikino ihuza Abaturage n’abayobozi, aho Abayobozi n’Abakozi ku rwego rw’Akarere bakini n’abo ku rwgo rw’umurenge. Intego rusange y’iki gikorwa ni ugukoresha imikino nk’uburyo bwo kwegera Abaturage ndetse, kwimakaza Imiyoborere myiza no guteza imbere ubusabane hagati y’Ubuyobozi n’abaturage bo mu Mirenge yose 15.

Ibyakozwe n’Imiterere y’Imikino 

Iyi mmikino yitabiriwe n’abakozi n'Abayobozi mu nzego zitandukanye, mu karere ka Musanze hamwe n’amakipe y’Imirenge yose uko ari 15, aho buri Murenge wagaragaje ikipe y’Abagabo, iy’Abagore ndetse n’iy'Urubyiruko. Buri munsi w’umukino wasojwe n’ubusabane mu rwego rwo kurushaho kumenyana no kwishimira ibyagezweho.

Imikino yabaye kuri uyu wa 26 Ukwakira 2925, yitabiriwe na Perezida w’Inama Njyanama y’Akarere Bwana NDAYAMBAJE Michel, ari kumwe n’Umuyobozi w’Akarere Wungirije Ushinzwe Imibereho myiza y’abaturage Bwana KAYIRANGA Theobald. Mu bandi bitabiriye harimo Perezida w’Inama y’Igihugu y’abagore mu Karere ka Musanze Madamu NYIRAMUGISHA Denyse.

Uko imikino yagenze 

Mu cyiciro cy’abagabo: Akarere ka Musanze batsinze 2 : 0 Imirenge ya Kinigi na Nyange. Mu cyiciro cy’abagore: Ikipe y’Akarere yatsinze 3 : 0 Imirenge ya Kinigi na Nyange.

Abaturage bo mu Mirenge yose bagaragaje ibyishimo n’ishyaka rikomeye, bitabira ari benshi kandi bashyigikira amakipe yabo. Bashimye cyane iki gikorwa bavuga ko gituma bumva begerejwe Ubuyobozi kandi bikaba Urufunguzo mu guteza imbere ubufatanye hagati y’inzego zose. Ubuyobozi bw'Akarere buteganya gukomeza iyi gahunda nk’umurongo w’ingenzi wo gushimangira ubufatanye mu Imiyoborere myiza.

Muri iyi mikino, hagiye hakorwa ubukangurambaga butandukanye,aho abaturage bashishikarijwe kwitabira gahunda za leta zitandukanye: EjoHeza, Mituweli n’izindi. Bashishikarijwe kwirinda ubusinzi n’ibiyobyabwenge, amakimbirane mu miryango no kwimakaza ihamwe ry’ubumwe n’ubudaheranwa bw’abanyarwanda.