Muri iki gitondo, Perezida w'Inama Njyanama y'Akarere ka Musanze, Bwana Micheli Ndayambaje, hamwe n'abagize Komite Nyobozi y'Akarere, bifatanyije n'abaturage mu siporo rusange yabereye mu Mujyi wa Musanze.

Abitabiriye iyi siporo bakoze ibikorwa bitandukanye birimo kwiruka, imyitozo ngororamubiri n'indi myitozo igamije guteza imbere ubuzima bwiza.

Mu bitabiriye iki gikorwa harimo Umuyobozi Nshingwabikorwa wa FERWACY Bwana Mugabe David, abahagarariye LWD, Polisi, Ibitaro bya Ruhengeri ndetse n'Umuyobozi wa RIB mu Karere ka Musanze.

Siporo rusange ikomeje kugira uruhare runini mu kubungabunga ubuzima, guhuza abaturage no gushimangira ubufatanye hagati y'inzego zitandukanye n'abaturage.

Ku bufatanye n’Ibitaro bya Ruhengeri, abaturage bapimwe indwara zitandura banahabwa inama z'uburyo bwo kurushaho kwita ku buzima bwabo no kwirinda izo ndwara.