Umuyobozi w’Akarere Wungirije Ushinzwe Iterambere ry'Ubukungu Madamu UWANYIRIGIRA Clarisse, ari kumwe n'umuyobozi wa RAB/Musanze Bwana Rukundo Aimable yatangije igihembwe cy'ihinga cya 2025B, kuri Site ya Rubira, Akagari ka Kabeza, Umurenge wa Nyange, ahatewe imbuto y'ibirayi ya Ndamira, yerera iminsi 90, ku buso bungana na Ha 2.4. kuri iyi site kandi hatewe hatewe ibiti ndumburabutaka 3500 bya Alnus Accuminata n’ingeri z'urubingo 2000.

Mu butumwa yagejeje ku bitabiriye igikorwa gutangiza igihembwe cy'ihinga 2025B, Visi Meya Uwanyirigira Clarisse yasabye abaturage guharanira kwihaza mu biribwa, kororera mu biraro no gukoresha ifumbire y'imborera ihagije. Visi Meya yagaragarije abaturage amahirwe ari mu Karere yafasha urubyiruko kubona akazi no kwihugura,bityo abasaba kuyabyaza umusaruro. Yashishikarije abahinzi guhinga no gutera ubutaka bwose aho bitarakorwa, abagezaho amakuru y'iteganyagihe muri iki gihembwe cy'ihinga cya 2025B, abasaba gukoresha neza neza inyongeramusaruro ku kigero cyagenwe.

Muri ikigikorwa kandi Akarere ka Musanze ku kufatanye na RAB, ishami rya Musanze bashyikirije Koperative Twitekubuhinzi Nyange y'Abajyanama b'Ubuhinzi imbuto y'ibirayi , Kirungo ( Basic Seeds ) imbuto ingana na 300kg, banakora ubukangurambaga kuri gahunda y'Ubwishingizi bw'Ibihingwa n'Amatungo , Mutuelle de Sante na Ejo Heza  no korera mu biraro.

Gutangiza igihembwe cy'ihinga cya 2025B, byitabiriwe n’abayobozi mu nzego zinyuranye hamwe n’abafatanyabikorwa batandukanye; Chief Sgt Jean Paul Mwumvaneza, uyobora Police Station ya Kinigi, Umuyobozi w’Ishami ryUbuhinzi n’Umutungo kamere bwana Ngendahayo Jean,  Abahagarariye Tubura / OAF, ORPAR, DERN Seed Company, RICA Seed Company na Cooperative z'Ubuhinzi zikorera mu Murenge wa Nyange. Hari kandi abakozi b’Urwego rwunganira Akarere mu gucunga umutekaano (DASSO), Abajyanama b'Ubuhinzi n'Ubworozi n’Abahinzi bo mu Murenge wa Nyange.