Mu murenge wa Gashaki, Umuyobozi w'Akarere Wungirije ushinzwe imibereho myiza y'abaturage Bwna KAYIRANGA Theobald ari kumwe n'intumwa za GiveDirectly ziyobowe na Bwana LWAKA Moses batangje ku mugaragaro ibikorwa by'umuryango GiveDirectly, ufasha abaturage kwivana mu bukene.

Muri uyu muhango Visi Meya KAYIRANGA Theobald yasabye abaturage kuzakoresha neza inkunga bazahabwa, gutekereza imishinga izabafasha kwiteza imbere, kwirinda ubusinzi no gufasha abana babo kwitabira gahunda y'intore mu buruhuko.

Bwana LWAKA Moses n'itsinda yari ayoboye basobanuriye abaturage imikorere ya GiveDirectly n'ibigenderwaho mu guhitamo abakwiye gufashwa. Yababwiye inimero ikoreshwa mu kuvugana na Give Directly mu Rwanda , bityo abasaba kwima amatwi umuntu wese uzabiyitirira agamije inyungu ze bwite.