Mu rwego rwo gukomeza gusigasira imibereho myiza y' abaturage, uyu munsi, Ubuyobozi bw' Akarere  bwatangije  igikorwa cyo gusura amazu n' ubwiherero  byubatswe n' ibyavuguruwe  by' abaturage mu Mirenge inyuranye hagamijwe gusuzuma aho bigeze byubakwa n' ubuziranenge bwabyo.

Iki gikorwa cyayobowe n' Umuyobozi w' Akarere Bwana Claudien NSENGIMANA  ari kumwe n' inzego z' umutekano; INGABO  , POLICE na  DASSO basura amazu n' ubwiherero byubakiwe abaturage batishoboye  mu Murenge wa Kimonyi mu Tugari twa Birira , aka Buramira na Kivumu.

Muri iyi gahunda, Umuyobozi w' Akarere Wungirije  Ushinzwe Imibereho Myiza y' Abaturage  Bwana Theobald KAYIRANGA   abari bahagarariye  INGABO  na POLICE n' abayobozi batandukanye  basuye amazu n' ubwiherero byubakiwe abaturage mu Murenge wa Musanze mu Tugari twa Kabazungu, Garuka n' aka Cyabagarura.

Nyuma yo gusura ibikorwa, Komite Nyobozi y' Akarere n' inzego z' umutekano baganirije abagenerwa bikorwa babasaba gufata neza amazu n' ubwiherero bubakiwe, kwita ku isuku, gutanga ubwisungane mu kwivuza, gukora kugamije kwikura mu bukene n' izindi mpanuro zinyuranye.

Uyu munsi, igikorwa cyakurikiranywe n' amatsinda 4 yiganjemo Abayobozi mu nzego zinyuranye n' inzego z' umutekano gikorerwa mu Mirenge ya Kimonyi,Musanze ,Remera n'uwa  Cyuve; kikazakomereza   no mu yindi Mirenge mu rwego rwo gukurikirana no gukemura ibibazo bibangamiye imibereho  myiza y' abaturage.