Kuri Stade Ubworoherane, Guverineri w’Intara y’Amajyaruguru Bwana Mugabowagahunde Maurice, ari kumwe n’Umuyobozi w’akarere Bwana Nsengimana Claudien, Depite Hon. Ndereremungu Joseph, n'inzego z'umutekano, batangije imikino isoza Amarushanwa y'Umurenge Kagame Cup 2024-2025 ku rwego rw’Akarere ka Musanze. 

Habaye Imikino mu cyiciro cy'abagabo, no mu cyiciro cy'abagore mu guhatanira umwanya wa mbere n'uwa kibiri muri ibyo byiciro byombi. Mu bagore umurenge wa Cyuve wakinnye n'umurenge wa Gataraga, naho mu bagabo umurenge wa Kimonyi ukina n'uwa Gacaca. Imikino yarangiye Ikipe y’Abagore ya Cyuve yegukanye igikombe itsinze iya Gataraga penaliti 4-3 nyuma y'uko bari banganije 0-0. Mu bagabo, ikipe ya Kimonyi niyo yegukanye igikombe itsinze iya Gacaca 3-1.

Mu butumwa busoza aya marushanwa, Guverineri yabwiye abitabiriye iyi mikino bose bafite ubuyobozi bwiza bukunda siporo, asaba abakinnyi gukoresha ayo mahirwe bateza imbere impano zabo. Iyi mikino yabanjirijwe n'ibirori byo kwizihiza umunsi mukuru w'intwari z'igihugu ku nshuro ya 31.