Akarere ka Musanze ni kamwe mu Turere tubarizwa mu Mijyi Itandatu Yunganira Umujyi wa Kigali ariko Ubuyobozi bwako bwo, ku bufatanye n’abaturage n’abafatanyabikorwa bako, bakaba bari mu rugamba rw’uko Umujyi wa Musanze waba ahubwo Umujyi wa Kabiri kuwa Kigali, haba mu kwihutisha iterambere ndetse no mu kurushaho kuzamura imibereho y’abaturage binyuze muri gahunda zitandukanye, zirimo no guteza imbere Ubukerarugendo ku baturuka imbere mu Gihugu ndetse n’abava hirya no hino mu Bihugu bitandukanye ku Isi.

Ni muri urwo rwego kuri uyu wa Mbere tariki ya 14 Kamena 2021, hatangijwe igikorwa cyo gutera ubusitani (beautification and land scaping) ku mihanda ya kaburimbo iri kubakwa muri uyu Mujyi wa Musanze (RUDP phase2: APICUR-KOBIL-GROUPEMENT-KABAYA, ....) n'ibindi bice by'ingenzi.

Ni igikorwa cyatangijwe n’Ubuyobozi bw’Akarere, bwari buhagarariwe n’Umuyobozi w'Akarere Wungirije Ushinzwe Iterambere ry'Ubukungu, Bwana Andrew MPUHWE RUCYAHANA, wari kumwe n’Umuyobozi wa EUCL, Umukozi Ushinzwe Amashanyari mu Ishami rya OSC mu Karere, Uhagarariye Subcontractor wa NPD (Afrilandiscaping) n'Umukozi Ushinzwe Imihanda mu Karere.

Biteganyijwe ko iyi mirimo izamara ukwezi kumwe, ariko ikaba igiye gutanga akazi ku bantu benshi biganjemo urubyiruko rutari rufite imirimo nyuma yo kurangiza amashuri arimo na za Kaminuza zitandukanye, abahungu n'abakonbwa.

Mbere yo gutangira ahagaragazwa uko bizakorwa

Bamwe mu bahawe akazi muri iyi gahunda bari babukereye