Izi ni impanuro zatangiwe mu Karere ka Musanze kuri uyu wa Mbere tariki ya 13 Ukuboza 2021mu muhango wo Guhemba ba Rwiyemezamirimo 3 babaye Indashyikirwa ku Rwego rw'Intara y'Amajyaruguru muri Gahunda Ngarukamwaka ya #YouthConnektAwards, ,Amarushanwa ategurwa na Minisiteri y'Urubyiruko n'Umuco mu rwego rwo gukangurira urubyiruko kwiteza imbere bakoresheje ubumenyi bafite n’amahirwe agenda atangwa n’Ubuyobozi bw’Igihugu.

Iki gikorwa cyitabiriwe n'Umuyobozi Mukuru muri Minisiteri y’Urubyiruko n’Umuco Ushinzwe Iterambere ry'Urubyiruko, Madamu TETERO Solange, n'Ushinzwe Imiyoborere Myiza mu Ntara y’Amajyaruguru,  Madamu MUKANSANGA Solange, bakiriwe n'Umuyobozi w'Akarere ka Musanze, Bwana RAMULI Janvier, washimiye Inzego zombi ubufatanye buhoraho mu iterambere ry'Akarere muri rusange no mu kwita ku Rubyiruko by'umwihariko, rwo maboko n'amizero  y'Igihugu.

Abo ba 3 bahembwe ni IMBABAZI Dominique Xavio (ukora ifumbire y’imborera hifashishijwe iminyogoto, Worora ibinyamushongo akanabikoramo inyama ziribwa, akanorora amasazi y’umukara avamo ibiryo by’amatungo), wakurikiwe na MASHAKIRO Bienvenu (ukora ibijyanye n’ubugeni bushingiye ku Bukerarugendo), bombi bo mu Karere ka Musanze, na UWINGENEYE Grace wo mu Karere ka Gakenke (ukora imyenda n’ibikapu bizwi nka Made in Rwanda) wabaye uwa gatatu. Uwa mbere yahawe miriyoni n'igice (1,500,000RWF), abandi bahabwa miriyoni imwe imwe (1,000,000RWF).

Mu mpanuro zatanzwe n'aba Bayobozi, zahurizaga ku gushimira ba Rwiyemezamirimo bahembwe, kubifuriza intsinzi ku Rwego rw'Igihugu ariko banabasaba gutinyura bagenzi babo no kurushaho guteza imbere imishinga yabo no kurushaho kuyagura kugira ngo bashobore gukora ibikorwa bitanga imirimo ku Rubyiruko rwinshi bityo bigabanye ikibazo cy'ubushomeri, ubukene ndetse n'ingeso mbi zirimo no kwishora mu biyobabyabwenge, kwiyandarika, ...

Bati: "Dutekereze mu buryo budasanzwe, dukore ibidasanzwe twiteze imbere