Kuri uyu wa Kabiri tariki ya 10 Kanama 2021, ku bufatanye bw’Akarere n’izindi Nzego zitandukanye, mu Karere ka Musanze habereye igikorwa cyo kwangiza ibiyobyabwenge ndetse n'ibicuruzwa bitemewe.

Iki gikorwa cyabereye mu Murenge wa Muhoza, cytitabirwa n’Umuyobozi w’Akarere Wungirije Ushinzwe Iterambere ry’Ubukungu, Bwana Andrew MPUHWE RUCYAHANA, wari uhagarariye Ubuyobozi bw’Akarere, Umushinjacyaha Mukuru ku Rwego Rwisumbuye mu Karere, Umuyobozi wa Polisi mu Karere, bamwe mu Rubyiryuko rw’Abakorerabushake n'abaturage bake cyane bari bahagarariye abandi.

Mu gikorwa nyirizina cyo kubyangiza (Bwana Andrew hagati ya Youth Volunteer an Polisi)

Mu bintu byangirijwe harimo ibiyobyabwenge (urumogi na kanyanga, inzoga zo mu dusashi ziva mu Gihugu cy’Abaturanyi cya Uganda), inzoga z'inkorano, ibicuruzwa bitemewe byiganjemo amavuta yo kwisiga azwi nka mukorogo, byose hamwe bikaba byari bifite agaciro Kangana na miriyoni eshatu, ibihumbi mirongo itanu na bibiri n’amafaranga Magana atatu y’u Rwanda (3,052, 300RWF).

Ibi ni bimwe mu byangijwe

Mu ijambo rye, Umuyobozi wari uhagarariye Akarere muri iyi gahunda yashimiye aba Bafatanyabikorwa, agaruka ku ngaruka z'ikoreshwa ry'ibiyobyabwenge haba ku babikoresha ubwabo, ku miryango yabo ndetse n’Igihugu muri rusange, kubera kobiza kun isonga mu bintu  biteza umutekano muke bikandindiza iterambere n’imibereho mytiuza y’abaturage.