Kuri uyu munsi Tariki ya 7/12/2023, mu cyumba mberabyombi cya Centre Pastoral Notre Dame de Fatima habereye  amatora yari  agamije kuzuza Inama Njyanama y' Akarere no gutora Komite Nyobozi y' Akarere.

Abakandida bose biyamamarije kwinjira mu Nama Njyanama y' Akarere

Aya matora yayobowe n' Umuhuzabikorwa by' Amatora mu Turere twa Musanze na Nyabihu Bwana NSHIMIYIMANA Swaleh akaba yanitabiriwe na Guverineri w' Intara y' Amajyaruguru Bwana Maurice MUGABOWAGAHUNDE, Perezida w' Inama Njyanama y' Akarere Bwana Michel NDAYAMBAJE , uwari  Umuyobozi w' Agateganyo w' Akarere Bwana Hamiss BIZIMANA, Inzego z' Umutekano
n' abandi bayobozi mu nzego zitandukanye.

Guverineri Maurice MUGABOWAGAHUNDE arikumwe na Meya w' Agateganyo Hamiss BIZIMANA

Nyuma y' uko Madamu UWANYIRIGIRA Clarisse, Bwana NSENGIMANA Claudien na Bwana KAYIRANGA Theobald aribo batorewe kuzuza Inama Njyanama y' Akarere bakanabirahirira imbere y' Amategeko, Bwana NSENGIMANA Claudien niwe watorewe kuba Umuyobozi w' Akarere ka Musanze, Madamu Clarisse UWANYIRIGIRA yatorewe kuba Umuyobozi w' Akarere Wungirije Ushinzwe Iterambere ry' Ubukungu naho Bwana Theobald KAYIRANGA atorerwa kuba Umuyobozi w' Akarere Wungirije Ushinzwe Imibereho Myiza y' Abaturage.

Abagize Komite Nyobozi y' Akarere ka Musanze