Iyi ni Insanganyamatsiko y'Umwiherero w'Abagize Inama Njyanama y'Akarere ka Musanze, urimo kubera mu Karere ka Rubavu, umaze gutangizwa na Guverineri w'Intara y'Amajyaruguru, Madamu NYIRARUGERO Dancille, mu gitondo cyo kuri iki Cyumweru tariki ya 27 Gashyantare 2022.

Uretse Abajyanama ku Rwego rw'Akarere n'Abaperezida b'Inama Njyanama z'Imirenge igize Akarere uko ari 15, uyu mwiherero wanitabiriwe n'Abadepite Bahagarariye Akarere ka Musanze mu Nteko Ishinga Amategeko, aribo Hon. MUREKATETE Marie Therese, Hon. MPEMBYEMUNGU Winifrida na Hon. NIRERE Therese.

Umunyamabanga Nshingwabikorwa w'Akarere, Umuyobozi Ushinzwe Imirimo Rusange mu Karere, Abayobozi b'Amashami mu Karere ndetse n'Abanyamabanga Nshingwabikorwa b'Imirenge nabo bari mubawitabiriye.

Umuyobozi w'Akarere atanga ikaze ku bitabiriye

Mu bwitonzi n'ubushishozi bwinshi, abitabiriye umwiherero biteguye kumva impanuro no gutanga ibitekerezo

Perezida w'Inama Njyanama y'Akarere, Bwana NDAYAMNBAJE Michel, asobanura impamvu nyamukuru y'uyu mwiherero

Mu mpanuro yabahaye, Guverineri w'Intara y'Amajyaruguru yagize, ati: " Hari impamvu mwagiriwe icyizere, bityo rero, nk'uko Insanganyamatsiko y'uyu mwiherero ubivuga, akaba ari uruhare rwa buri wese mu kugaragaza impinduka mu_iterambere ry'aka Karere ndetse n'iry'Igihugu muri_rusange. Mureke Twubake Umurwa Wera, uzira igwingira, bwaki, umwanda, guta ishuri, ukemura ibibazo by’abaturage, uzira amakimbirane yo mu ngo, utekanye muri byose".

Guverineri w'Intara abahamagarira kuzana impinduka, buri wese ku rwego rwe

Yasoje asaba buri wese kwibaza, ati: "Akarere ka Musanze kaba kageze he, ugeraranyije na Gahunda ya Guverinoma y'Imyaka Irindwi isigaje imyaka ibiri gusa”? Kurushaho kwegera abaturage, gukusanya ibitekerezo byabo bishyirwa mu Igenamigambi no mu Ngengo y’Imari ya buri Mwaka mu Karere no kubatangariza uko byashyizwe mu bikorwa nibyo birimo guhurizwaho, nk’intwaro yizewe muri uru rugamba. Ibi bigakorwa binyuze mu gutekereza mu buryo budasanzwe no gushaka ibisubizo bidasanzwe kandi imikorere n’imikoranire n’Abafatanyabikorwa bikarushaho kunozwa.

Kuri iki gicamunsi, abari muri uyu Mwiherero, barimo kuganirizwa n'Umunyamabanga Nshingwabikorwa w'Intara y'Amajyaruguru, Dr.MUSHAIJA Geoffrey, aho arimo kubagaragariza imizi ishimangira imikorere n'imikoranire ibyara inyungu rusange,  mu Kiganiro yise "Technical Coordination, Complementarity  between Departments and Services".

Umunyamabanga Nshingwabikorwa w'Intara mu mpanuro ze zuzuye ubunararibonye

Bamwe mu bitabiriye  (Umunyamabanga Nshingwabikorwa Mushya w'Umurenge wa Musanze) batanga ibitekerezo