Minisitiri w'Ubutegetsi bw'Igihugu Bwana GATABAZI JMV n'uw' Umutekano mu Gihugu Bwana GASANA Alfred bifatanyije n'abaturage b'Umurenge wa Nyange mu muganda wo gusana umuhanda Ndabanyurahe - Centre de Santé Nyange wangijwe n'amazi y'imvura.

Hitabiriye abaturage benshi bari kumwe na Guverineri w'Intara y'Amajyaruguru Mme NYIRARUGERO Dancille, Mayor RAMULI Janvier, inzego z'umutekano Ingabo na Police. Umuhanda wasanwe ungana na 1.2Km. Abaturage bishimiye igikorwa cyakozwe basezeranya kuzakomeza kuwusigasira. Hitabiriye abaturage benshi bari kumwe na Guverineri w'Intara y'Amajyaruguru Mme NYIRARUGERO Dancille, Mayor RAMULI Janvier, inzego z'umutekano Ingabo na Police. Umuhanda wasanwe ungana na 1.2Km. Abaturage bishimiye igikorwa cyakozwe basezeranya kuzakomeza kuwusigasira.

Nyuma y'umuganda wakozwe, ba Minisitiri baganirije abaturage ku ngingo zikurikira: CHOGM2022, Isuku, kurwanya imirire mibi n'igwingira mu bana, gukumira inda z'imburagihe mu bangavu, gusigasira umutekano, ... kurwanya amakimbirane mu miryango, kurwanya ubusinzi, kurwanya ubujura, kurwanya kwiyandarika mu bakuru no mu bakiri bato. Bibukijwe ko buri wese agomba guharanira ubumwe bw'abanyarwanda kuko arizo mbaraga zacu nk'abanyarwanda mu gukomeza kubaka u Rwanda twifuza.

Nyuma y'ibiganiro bahawe, abaturage nabo bahawe umwanya wo gutanga ibitekerezo no kubaza ibibazo. Ibitekerezo n'ibyifuzo byibanze k'ukwegerezwa amashanyarazi, imodoka zitwara abagenzi zidahagije mu muhanda Musanze - Kinigi, Serivisi za Banki zitinda kubera abakiliya benshi.

Abaturage bishimiye ibiganiro n'ibisubizo bahawe. Bagaragaje akanyamuneza na morali nyinshi.