Muri iki gitondo cyo kuri uyu wa Gatatu tariki ya 19 Mutarama 2022, Umuyobozi w'Akarere ka Musanze, Bwana RAMULI Janvier, amaze kuyobora inama yari igamije kurebera hamwe aho Imihigo y'Akarere y'uyu Mwaka wa 2021/2022 igeze ishyirwa mu bikorwa muri iki Gihembwe cya Kabiri.

Iyi nama yabereye mu Cyumba cy'Inama cy'Akarere, ikaba yari yitabiriwe na Komite Nyobozi y'Akarere, Umunyamabanga Nshingwabikorwa w'Akarere, Umuyobozi Ushinzwe Imirimo Rusange, Abanyamabanga Nshingwabikorwa b'Imirenge n'Abakozi ku Karere muri rusange n'abafite imihigo by'umwihariko.

Mu ijambo rye, Umuyobozi w'Akarere yasabye abitabiriye inama ko gukurikirana imihigo bigomba kujyana no gukomeza ubufatanye mu guhangana n'Icyorezo cya COVID-19 gikomeje gukaza umurego, bityo hakaba hahise hashyirwaho amatsinda yagutse y’Abayobozi n’Abakozi ku Karere, rigiye kumanuka mu Tugari rigakora ubukangurambaga, rifatanyije n’Inzego z’Umutekano, mu gihe kingana n’iminsi itanu uhereye uyu munsi, mu rwego rwo kunganira Abanyamabanga Nshingwabikorwa b’Imirenge.

Mu bushishozi bwinshi, abitabiriye bakurikiye inama

Umuyobozi w'Akarere atanga impanuro anabasaba gutanga ibitekerezo ku ngingo zarimo ziganirwaho

Umuyobozi w'Akarere Wungirije Ushinzwe Iterambere ry'Ubukungu: Bwana Andrew MPUHWE RUCYAHANA

Umuyobozi w'Akarere Wungirije Ushinzwe Imibereho Myiza y'Abaturage: Madamu KAMANZI Axelle

Umuyobozi Ushinzwe Imirimo Rusange mu Karere: Bwana NTAWUMENYUMUNSI Alphonse

Umuyobozi w'Ishami ry'Imiyoborere Myiza: Bwana TWIZERIMANA Clement

Tubamenyeshe ko muri uyu mwaka, Akarere ka Musanze gafite imihigo 83, ni ukuvuga 15 yo mu Bukungu, mu Mibereho Myiza 41 na 27 yo mu Miyoborere Myiza.