Izi ni impanuro z’Umuyobozi w’Akarere ka Musanze Wungirije Ushinzwe Iterambere ry’Ubukungu, Bwasna Andrew MPUHWE RUCYAHANA, kuri uyu wa Kabiri tariki ya 24 Ugushyingo 2020, ubwo yatangizaga ku mugararagaro Amahugurwa y'Iminsi Itatu  ajyanye n'Igikorwa cyo Kumenyekanisha no Gutanga Ubufasha muri Gahunda y'Irushanwa ry'Imishinga (Opencalls Programme), yateguwe ku bufatanye n'Ikigo cy'Igihugu cy'Ubushakashatsi n'Iterambere mu Byerekeye Inganda (NIRDA), ku nkunga ya ENABEL, arimo kubera kuri , kuri Gorilla Hotel.

Aya mahugurwa yitabiriwe n'Abikorera bafite Inganda Zitunganya Ibikomoka ku  Mabuye akoreshwa mu Bwubatsi, ku Bworozi bw'Ingurube, Inkoko n'Ibiryo by'ayo Matungo,  mu Ntara y'Amajyaruguru.

Mu ijambo rye, yashimiye aba bafatanyabikorwa mu rugamba rwo kwihutisha iterambere no kuzamura imibereho myiza, anabizeza kubungabunga ibimaze kugerwaho no kubibyaza umusaruro.

By'umwihariko, yahamagariye Abikorera gukomera ku mahirwe abakikije bakesha Ubuyobozi Bwiza, maze abahanura muri aya magambo: "Muharanire kutaguma ku rwego rumwe mu byo mukora, mwaguke mu bumenyi no mu bushobozi, muhindure ubuzima bw'Abaturarwanda."

Yasoje abizeza ubufatanye n'ubuvugizi ariko anabibutsa ko nta mwuga utagira amategeko bityo bakaba bagomba kuyamenya no kuyasobanukirwa,  kugira ngo abafashe kurushaho gukora kinyamwuga no guhatana ku masoko y'imbere mu Gihugu no ku Isoko Mpuzamahanga.

BAbitabiriye bategereje kuganirizwa

UUhereye ibumoso: Umukozi Ushinzwe Ishoramari mu Karere, Umuyobozi w'Akarere Wungirije Ushinzwe Iterambere ry'Ubukungu n;Uhagarariye ENABEL

MUmuyobozi w'Akarere Wungirije atanga impanuro

Abikorera bashimira Umuyobozi impanutro yari amaze kubaha