Kuri uyu wa 4 Kamena 2025, Abajyanama muNama Njyanama y'Akarere ka Musanze bokomeje ingendo bagirira mu mirenge muri gahunda y'Icyumweru cyahariwe umujyanama gifite insanganyamatsiko igira iti: "Tujyanemo twese". Abajyanama basuye imirenge ya Gacaca na Shingiro. 

ku biro by'umurenge wa Shingiro, Umunyamabanga nshingwabikorwa w'umurenge Bwana Theoneste HANYURWABAKE Ari kumwe na Perezida w'Inama Njyanama y'umurenge Bwana KANYAMUTUZO Jean Baptiste bakiriye Itsinda ry'Abajyanama b'Akarere bayobowe na Visi Perezida w'Inama Njyanama Bwana GASIRABO Athanase, bagirana inama n’abavuga rikumvikana mu murenge wa Shingiro. 

Muri uyu murenge, Abajyanama bakoranye inama n’Abagize Inama njyanama y'umurenge, Abagize Inama njyanama z'utugari tugize umurenge wa Shingiro, Abakozi b’umurenge, abunzi ku murenge no mu tugari, inzego z'umutekano, Abayobozi n'Imidugudu, Abayobozi b'ibigo by'amashuri, Abayobozi b'amakoperative, Parasocial workers n’Abajyanama b'ubuzima. Abitabiriye baganirijwe kuri gahunda zitandukanye zirimo: Kubungabunga ibidukikije, Kugira umuco w'Isuku n'isukura, Kwirinda ubusinzi, Kurwanya imirire mibi n’igwingira, Kunoza imitangire ya Service, Gukora cyane bivana mu bukene. Gutanga amakuru y'Abari gukora ibinyuranye n'Amategeko no kubikumira, Gukangurira abaturage gukoresha ubutaka icyo bwateganyirijwe no Kwirinda ibiyobyabwenge. 

Nyuma y'Inama, hasuwe ibikorwa bitandukanye birimo ibikeneye gukorerwa ubuvugizi. Mu bikorwa byasuwe harimo Ikigo Mderabuzima cya Shingiro, Ibiro by'Akagali ka Kibuguzo, Umuhanda Gataraga-Shingiro-Rwandarushya, GS Gikoro TSS n’umudugudu wa Burengo mu kagari ka Gakingo.

Mu Murenge wa Gacaca, itsinda riyobowe na President w'Inamanjyanama y’Akarere ka Musanze Bwana Ndayambaje Michel bahuye n’abavugarikumvikana batuye muri gacaca. Mu byo baganiriye harimo Kurinda no gusigasira ibyagezweho, Indangagaciro ziranga abanyarwanda, Imitangire ya servise, Kurwanya Akajagari mu myubakire. Nyuma yo kuganira no kwakira ibibazo bikeneye ubuvugizi, Abajyanama basuye imirimo yo kubaka centre izakira abana bafite ubumuga, imirimo yo kubaka uruganda rutunganya imyanda ikazabyazwa nk’ifumbire imirimo n’ubworozi bw’inkoko z'amagi.