Kuri uyu wa 18 Gashyantare 2026, kuri Centre Pastorale de Fatima hateraniye inama nyunguranabitekerezo ku mikoreshereze y'ibagiro ry'ingurube rya Gacaca n'imicururize y'inyama yatangijwe n'Umuyobozi w'Akarere Nsengimana Claudien. 

Mu bitabiriye inama harimo intumwa y’ Ikigo cy'Igihugu gishinzwe Ubugenzuzi bw'Ubuziranenge, Ihiganwa mu bucuruzi no kurengera Umuguzi (RICA) n’iy’umushinga PRISM ukora ku bikorwa by’ubworozi bw’ingurube, Abahagarariye amahoteli, Abanyamabanga Nshingwabikorwa b'Imirenge, abaveterineri b'Imirenge, Aborozi bahagarariye abandi, Inzego z'Umutekano n'Abakozi ku rwego rw'Akarere bafite ubworozi mu nshingano.

Atangiza iyinama, Umuyobozi w'Akarere Bwana Nsengimana Claudien yasabye abayitabiriye kurangwa n'ubunyamwuga n'isuku mu byo bakora, kwirinda kubagira no gucururiza ahatemewe, kongera ishoramari mu bworozi bw'ingurube no gukangurira abaturage gukoresha ibagiro rihari.